बिरहिन के दरदि

उमड़ि घुमड़ि बदरा हरसत हैं
मेघनीर अमरित बरसत हैं
कुलकित अबनि हरियर दरसत हैं
अब आबा पिया मोर मन तरसत हैं
कारी बदरिया मोहि डर लागय
कहु अंगना कहूं भीतरेय भागै
जब ते गयै मोरि सुधि नहि लीन्हि
अमाबसि चंद सम दरसन दीन्हें
दादुरि टेर कूक पपीहा कै
ककरी कस हैय हाल हिरदय कै
बूंद मघा हायगोली कस लागै
पपीहा बैन सरसिज उपजाबै
केसे कहू सखि बाति न मानै
बिरहनि दरदि सहय ऊहै जानैं
सुआती कस तकै नयन रहति हैं
उमड़ि घुमडि बदरा बरसत हैं