हमर छत्तीसगढ़

डोमेन्द्र नेताम (डोमू)
डौण्डीलोहारा बालोद (छत्तीसगढ़)
********************

गाँव-गाँव म शीतला बिराजे, मन मयारुक उजागर हे ।
हमर छत्तीसगढ़ आगर हे, देवता धामी के सागर हे ।।

दंत्तेवाड़ा म तही बिराजे हस, दंत्तेश्वरी महारानी ।
आंनद मंगल भरें जंगल म, बरसावत हस बरदानी ।।

रतनपुर म महामाया बिराजे, महिमा जेकर हे भारी ।
गंगरेल म अंगार मोती दाई, दु:ख दरिद्रा ल संघारी ।।

डोगरगढ़ म बम्लेश्वरी ह बैइठें, चूरी कंगना साजे ।
राजनांदगाँव म पताल भैरवी, सबों के मन ल भाते ।।

राइपुर के दुंधाधारी, बंजारी हे पावन जेकर धाम ।
धमतरी म बिलाई माता, जेला मेहां करव प्रणाम ।।

झलमला म सुग्घर बिराजे हावे, जय हो गंगा मैय्या ।
चैंत कुंवार म मेला भराथे, पापी मन के पाप धोवइय्या ।।

राजिम म राजीव लोचन, अरपा, पैरी के सुग्घर धार हे ।
मया-दुलार मिले आशीष सुग्घर, डोमू के इंही गोहार हे।।

आप भी अपनी कविताएं, कहानियां, लेख, आदि राष्ट्रीय हिन्दी रक्षक मंच पर अपने परिचय एवं छायाचित्र के साथ प्रकाशित करवा सकते हैं, राष्ट्रीय हिन्दी रक्षक मंच पर अपनी कविताएं, कहानियां, लेख, आदि प्रकाशित करवाने हेतु अपनी कविताएं, कहानियां, लेख, हिंदी में टाईप करके हमें hindirakshak17@gmail.com पर अणु डाक (मेल) कीजिये, अणु डाक करने के बाद हमे हमारे नंबर ९८२७३ ६०३६० पर सूचित अवश्य करें …🙏🏻