आगे महीना सावन

डोमेन्द्र नेताम (डोमू)
डौण्डीलोहारा बालोद (छत्तीसगढ़)
********************

छत्तीसगढ़ी कविता

झिमिर-झिमिर पानी गिरे,
लागे मौसम मन भावन ।
भोले नाथ के जय बोलों,
आगे पावन महीना सावन ।।

देवता मन के देव तोला कईथे,
हे शिव भोले भंडारी ।
पान फूल म ते खुश हो जाथस,
पुजा करे नर-नारी ।।

कतिक करव बखान तोर मेहां,
महिमा हे बड़ भारी ।
जय होवय जय होवय तोर हे,
नाथ डमरू त्रिशुल धारी।।

मन मयूर मोर झूमे नाचे,
संगी करमा ददरिया गावन ।
परसी म बैइठ के बबा मन,
पढ़े गीता अऊ रामायन ।।

गली खोर अब चिखला परगें,
होगे नाली हर रेंगावन ।
सरर-सरर चले पुरवय्या,
आगे पावन महीना सावन ।।

अमरय्या म झूलना बंधागें,
झूले बर लईका मन सब जावन ।
कारी कोयली बन म कुहुके,
पिरोहिल के मधुरस बोली लागे पावन ।।

आप भी अपनी कविताएं, कहानियां, लेख, आदि राष्ट्रीय हिन्दी रक्षक मंच पर अपने परिचय एवं छायाचित्र के साथ प्रकाशित करवा सकते हैं, राष्ट्रीय हिन्दी रक्षक मंच पर अपनी कविताएं, कहानियां, लेख, आदि प्रकाशित करवाने हेतु अपनी कविताएं, कहानियां, लेख, हिंदी में टाईप करके हमें hindirakshak17@gmail.com पर अणु डाक (मेल) कीजिये, अणु डाक करने के बाद हमे हमारे नंबर ९८२७३ ६०३६० पर सूचित अवश्य करें …🙏🏻