छत्तीसगढ के सुघ्घर तिहार

रामसाय श्रीवास “राम”
किरारी बाराद्वार (छत्तीसगढ़)
********************

हमर संस्कृति अऊ हमर संस्कार।
नदावत जावत हे छेर-छेरा तिहार।।

कतको तिहार के धरती हावय,
ये छत्तीसगढ महतारी।
ये मन ल बचाके रखना हावय,
हम सबला संगवारी।।

धर के टुकनी अऊ धरें बोरा,
लइकामन चलें बिहनिहा बेरा।
खोल गली बने गझिन लागय,
कहत जावंय छेर छेरा ,छेर छेरा।।

टुकना मा घर के मुंहटा मा,
धर के बइठे रहे धान।
वो घर के रहे जेहर,
सबले बड़े सियान।।

रंग-रंग के ओनहा पहिरे,
लइका मन बड़ सुख पांय।
छेर-छेरा मांगे खातिर,
जम्मो घरो घर जांय।।

पढ़े लिखे लइका मन ला,
अब लागथे लाज।
समय हर बदलत हावय,
देखव का होवत हे आज।।

अपन सुघ्घर तिहार के,
परंपरा ला भुलावत हावंय।
गांजा दारू के नशा मा,
रात दिन सनावत हावंय।।

हमर छत्तीसगढ के संस्कृति ला,
हमन ल रखना हावय जिंदा।
ये सुघ्घर तिहार मन के,
झन करव भुला के निंदा।।

ये बइरी कोरोना हर अब,
सब ला डरवावत हावय।
येकर खातिर कतको अकन,
परंपरा मन भुलावत हांवय।।

आवा मनाबो जुर मिल के,
छेर-छेरा के तिहार।
ये ही हर हावय हम सबके,
बड़ खुशी के आधार।।

परिचय :- रामसाय श्रीवास “राम”
निवासी : किरारी बाराद्वार, त.- सक्ती, जिला- जांजगीर चाम्पा (छत्तीसगढ़)
रूचि : गीत, कविता इत्यादि लेखन
घोषणा पत्र : मैं यह प्रमाणित करता हूँ कि सर्वाधिकार सुरक्षित मेरी यह रचना, स्वरचित एवं मौलिक है।

आप भी अपनी कविताएं, कहानियां, लेख, आदि राष्ट्रीय हिन्दी रक्षक मंच पर अपने परिचय एवं छायाचित्र के साथ प्रकाशित करवा सकते हैं, राष्ट्रीय हिन्दी रक्षक मंच पर अपनी कविताएं, कहानियां, लेख, आदि प्रकाशित करवाने हेतु अपनी कविताएं, कहानियां, लेख, हिंदी में टाईप करके हमें hindirakshak17@gmail.com पर अणु डाक (मेल) कीजिये, अणु डाक करने के बाद हमे हमारे नंबर ९८२७३ ६०३६० पर सूचित अवश्य करें …🙏🏻