सुघ्घर कातिक के महिना

रामसाय श्रीवास “राम”
किरारी बाराद्वार (छत्तीसगढ़)
********************

छत्तीसगढ़ी भाखा म लोक गीत के रचना हावय

भिनसरहा के बेर मा, कर कातिक असनान ।
पूजन कर भगवान् के, कर ले ओकर ध्यान ।।

सूरूज ला दे के अरघ, कर जीवन उजियार ।
इही सनातन धर्म के, बने हमर संस्कार ।।

जल दे के शिव के करें, हाथ जोर परनाम ।
बिगरे सबो संवारहीं, पूरन करहीं काम ।।

कच्चा दूध अऊ बेल के, ले के पाती हाथ ।
शिव शंकर ला ले मना, अपन नवा के माथ ।।

पूजा तुलसी मात के, फूल पान के संग ।
जिनगी मा सुख के संगी, भर जाही सब रंग ।।

धनतेरस शुभ वार हे, धनवंतरि महराज ।
माँ लक्ष्मी पूरन करें, सबके बिगरे काज ।।

देवारी के रात मा, जगर बगर परकास ।
माटी के दियना बरे, करे जगत उजियास ।।

गोवर्धन पूजा करें, बइला भात खवांय ।
जतको घर परिवार के, मिल के भोग लगाएं ।।

महिमा पुन्नी के संगी, कतका करंव बखान ।
अंवरा रूखुवा के तरी, खावंय सकल सुजान ।।

कातिक महिना जे करें, पूजा जप तप ध्यान ।
*राम*विघन ओकर हरें ,नारायण भगवान् ।।

परिचय :- रामसाय श्रीवास “राम”
निवासी : किरारी बाराद्वार, त.- सक्ती, जिला- जांजगीर चाम्पा (छत्तीसगढ़)
रूचि : गीत, कविता इत्यादि लेखन
घोषणा पत्र : मैं यह प्रमाणित करता हूँ कि सर्वाधिकार सुरक्षित मेरी यह रचना, स्वरचित एवं मौलिक है।

आप भी अपनी कविताएं, कहानियां, लेख, आदि राष्ट्रीय हिन्दी रक्षक मंच पर अपने परिचय एवं छायाचित्र के साथ प्रकाशित करवा सकते हैं, राष्ट्रीय हिन्दी रक्षक मंच पर अपनी कविताएं, कहानियां, लेख, आदि प्रकाशित करवाने हेतु अपनी कविताएं, कहानियां, लेख, हिंदी में टाईप करके हमें hindirakshak17@gmail.com पर अणु डाक (मेल) कीजिये, अणु डाक करने के बाद हमे हमारे नंबर ९८२७३ ६०३६० पर सूचित अवश्य करें …🙏🏻